Кудайбергенов Амир Айдынұлы 2002 жылы 11 қаңтарда Алматы қаласында дүниеге келген. Білімі. Мен 2019–2023 жылдары әл-Фараби атындағы Қазақ ұлттық университетінің заң факультетінде білім алып, құқықтану мамандығы бойынша бакалавр дәрежесін аяқтадым. Білімімді одан әрі жалғастыра отырып, 2023–2025 жылдары ҚазҰУ-дың магистратура бағдарламасында және Германияның Висмар қаласындағы университетте құқық саласы бойынша білім алдым. Шетелде оқу тәжірибесі құқықтың халықаралық қырларын терең түсінуге және еуропалық құқықтық жүйенің ерекшеліктерін меңгеруге мүмкіндік берді. Ғылыми қызығушылықтарым. Менің негізгі ғылыми бағытым – медиация және баламалы дауларды шешу (ADR). Медиация саласының құқықтық, институционалдық және практикалық аспектілерін зерттеу, оны ұлттық құқық жүйесінде тиімді қолдану мәселелері ғылыми жұмыстарыма арқау болып келеді. Кәсіби тәжірибе. Қазіргі уақытта мен әл-Фараби атындағы Қазақ ұлттық университетінің заң факультетінде аға оқытушы ретінде қызмет атқарамын. Педагогикалық қызметім студенттерге құқықтық білім беруге, ғылыми-зерттеу қабілеттерін дамытуға және кәсіби көзқарастарын қалыптастыруға бағытталған. Шығармашылық пен жеке қызығушылықтар. Музыка мен мүсін өнері – менің шығармашылық болмысымды толықтыратын маңызды бағыттар. Сонымен қатар, мен жүзумен шұғылданамын және кинематографияға ерекше қызығамын. Осы хоббилерім менің ой-өрісімді кеңейтіп, кәсіби қызметімде жаңа көзқарас қалыптастыруға ықпал етеді. Менің мақсатым – медиация мен дауларды баламалы шешу тетіктерін дамытуға үлес қосу, құқық саласында сапалы сарапшы әрі тәжірибелі маман ретінде қалыптасу.